假期後

4日大假終於放完，呢幾日係屋企執屋，因為就黎要搬，有好多唔捨得但又沒甚麼用得著的都丟掉，同時清理好多垃圾，整間屋當堂叫做乾淨左，到時搬左屋就係兩人兩狗的世界。 但係返工的路程會遠左，要轉兩程車才返到公司，豈碼早半個起床梳洗，比較辛苦d，車費貴左，洗費多左，一句講哂，會好多負擔，真係求神保守帶領我們能夠適應新的環境和各樣負擔順利渡過。 ※※※※※※※※※※※※※※※※※※※※※※※※※※※※※※※※※※※ 假期後的第一天工作，算不上排山倒海，總算應付得到，多得Donna幫手，可減輕我的工作量，最唔好彩就係我部電腦唔生銹，時得時唔得，攪到做野叫苦連天，唯有做住其他野頂住擋...... ※※※※※※※※※※※※※※※※※※※※※※※※※※※※※※※※※※※ 星期六真係好忙，上午返工，下午返教會開會直落到團契，又要預備查經資料去查經，然後練歌後再開會，跟住又有親戚返來要返屋企食飯，睇怕練完歌後要返屋企，晚上的會議又開唔到啦！真是忙碌的一天。