這星期超忙

好忙......好忙......好忙...... 呀 返工忙 功課忙...... 搬屋忙...... 唔知幾時忙完呢？

開課啦

昨日係綠訓的第一課，所以要準時放工，因為唔想第一堂遲到，雖然天氣不穩定，放工時已經落雨，竟然七點三已經到了教會，好感謝神保守腳步。 求神賜我有學習的心繼續持守這個三十二堂課程能夠完成！ 昨日的第一堂課遲了放學....... 七時半開始 ...... 十時半完結 ......

前幾天、昨天

前幾天即係星期五那日，朝早打一號風球，返到公司已經變成三號風球，到Lunch時老公打電話來，說三時半前會掛八號風球，我當時心想，一日之間轉變得太快，仲叫我問人係唔係會打八號風球，而佢仲好野，返緊公司，就快八號風球仲要返工，唔係嗎...... 沒辦法啦！ 跟住同事食Lunch 回來說係唔係會掛八號，我即刻開收音機聽，都仲未係，直至兩點幾到就已經掛，之後老闆就叫我地收工，話就話收工，但係都唔會即走，連打電話都接收唔到，打風就係咁架啦！實會影響好多野，好彩等多陣走，咁既時勢已經乘地鐵返屋企，當時開始多人，迫下迫下，同平時放工一樣，半個鐘已經返到屋企，趁著這半天假期，適逢老公未返，我就利用了小小時間開始做o黎緊綠訓的功課。 星期六那天，團契有些團友去o左短宣，所以團契休會，至於我沒有去的，約o左Bertha食Lunch，之後返o左教會做Board，仲有龍心怡，我o地三個人合力一齊做，差不多做到五點幾走人，返到屋企，無所事事，又繼續做綠訓功課，做完功課又係無所事事，加上老公不在，只得我和兩隻狗狗，好彩仲有電視睇，係喎....今晚有香港先生睇，卒之成晚捕住個電視機，睇下邊個會贏，哎呀......我心目中有一個在復活戰俾人out 出局，有d失落，點都好啦！始終都給維他奶仔贏o左，不過還是睇得很開心...... 星期日，我索性唔返中堂，特登遲起床，決定返午堂，完o左崇拜就返屋企，又係趁這些時間做o左好多野，洗衣服、做功課、打機....... 咁就過o左一個下午 因為今晚約o左舊教會的弟兄姊妹食飯聚舊，一齊慶祝Miranda、Jacky呢對夫婦的生日，他們都在八月份生日，雖然老公來不到，但係無他不在都係欠缺一d野，今晚呢餐飯大家都係閒話家常，最好笑就係阿豪話最喜歡飲紅青蘿蔔湯，阿恩、Fanny 忍不住笑起上來，即刻回應一句，係 青紅蘿蔔湯，我心想，有甚麼分別呢？阿豪的回應和我想的一樣，都係咁飲，材料和煲法一樣，有甚麼問題呢？他們就在這話題上擾攘o左一輪，何必呢？呢餐飯真係難為了阿豪.......

經文分享

傳4：9-10 兩個人總比一個人好,因為二人勞碌同得美好的果效. 若是跌到,這人可以扶起他的同伴; 若是孤身跌倒,沒有別人扶起他來.這人就有禍了. 經文分享 : 呢段經文提醒我，無論身在公司、家庭上，神必會與我同在。 在公司：神叫到我在工作崗位上，忠心持守，因我部門(會計部)由初時四人，現在只得我和上司兩人一同並肩作戰，而不是孤軍一人，縱然有時大家意見不一，但仍然互補不足，在上帝的幫助和帶領下，繼續持之以恆。 在家庭：上帝是我們一家之主。 努力......